عندما لا يحبك الناس... ويكرمك الله

عزيزي صديقي،

هل شعرت يومًا أنك غير مرئي؟أنك تحاول تنال حب شخص، لكنك ما بتاخدش غير التجاهل؟أن في حد تاني دايمًا هو المفضَّل عنك؟

دي كانت حياة ليئة، زوجة يعقوب.

الكتاب بيقول إنها كانت "ضعيفة العينين"، بينما أختها راحيل كانت "جميلة الصورة والوجه".ويعقوب... كان بيحب راحيل.وتزوّج ليئة فقط بسبب خدعة من والدها.

تخيل شعور امرأة، متجوزة راجل مش بيحبها، وكل أملها إنها تكسَب قلبه... حتى لما بدأت تخلف له أولاد، كانت بتسميهم بأسماء فيها وجع وشوق للحب.

لكن مع الوقت، حصل تغيير.عند الابن الرابع، سمته "يهوذا"، وقالت:"الآن أحمد الرب"

كأنها قالت: خلاص... مش هستنى حب إنسان.أنا لقيت تعويض أعظم... الله شافني، الله باركني، الله استجاب لدموعي.

ومن نسل يهوذا... جه يسوع المسيح

ليئة، اللي الناس رفضوها، الله اختارها يكون من نسلها المخلّص.يا له من تعويضمش بس في الأولاد... لكن في الكرامة، وفي التاريخ، وفي الأبديّة

صديقي، لو كنت حاسس إنك مش محبوب كفاية، أو إنك دايمًا في الخلفيةتأكد إن الله شايفك.واللي شايفه الله.. مش منسي أبدًا.

هو اله التعويضات.وهيعوضك، بطريقته، في توقيته، بأعظم مما تتوقع.

تقدر تقول النهارده:يا رب، حتى لو ما شافنيش الناس، كفايه إنك إنت شايفني... وأنا بشكرك.

أنت مهمّ، نحبك ونهتم لأجلك.

صباحكم مبارك 🌞

شكرا لتواجدك!