الفقد

 

اهلاً بيك يا صديقي

فقدان أحد الوالدين هو تجربة مؤلمة جدًا، خصوصًا لما يحصل في سن صغير. أنا فقدت والدي وأنا عندي خمس سنين، مش فاكر اوي غير ان امي بتصوت والناس كلهم بيحاولو يساعدوها وانا تايه،

اعتقد ان الوقت ده صعب علي كل الناس كبير وصغير واكيد للطفل هيبقي وقت حساس جدًا في حياة الطفل. انا متاكد ان الموضوع ده سبب لي مشاكل كتير منهم اني لحد دلقتي مش عارف اتعامل مع ابني الكبير ودايماً بغلط وبرجع اقواله انا اسف عشان معنديش خبرة ،

من الطبيعي إنك تحس بالفقد والحزن والفراغ، لكن الجميل إنك تترمي في حضن ربنا وتحاول تلاقي فيه الراحة والحب والاحتياج واعتقد ده كله موجود في كلمة الله.

في يوم كنت بتفرج علي فيديو وسمعت الاية ديه وحسيت ان ده انا 

"إِنَّ أَبِي وَأُمِّي قَدْ تَرَكَانِي وَٱلرَّبُّ يَضُمُّنِي."  (مزمور ٢٧:١٠)

هنا فعلاً حسيت ان الله هو الاب الحقيقي ومش هيتخلي عني ابداً، حتى في اصعب الاوقات.

اعتقد ان ممكن من خلال الألم اللي بنعدي بيه نكون مصدر امل للآخرين في موضوع الفقد.

تقدر تشارك قصتك وتقولون ازي ممكن نساعدك،

خلي دايمً عندك إيمان بكلمة الله واعرف انه قادر علي كل شيء.

تذكر يا صديقي إن الفقد جزء من الحياة، لكن الله يعدنا إنه بيكون معانا دائمًا.

أنت مهم نحبك ونهتم لأجلك.

شكرا لتواجدك!