نعمته هي الكفاية

لما تحس إنك مش كفاية

'فَقَالَ لِي: «تَكْفِيكَ نِعْمَتِي، لِأَنَّ قُوَّتِي فِي ٱلضَّعْفِ تُكْمَلُ». فَبِكُلِّ سُرُورٍ أَفْتَخِرُ بِٱلْحَرِيِّ فِي ضَعَفَاتِي لِكَيْ تَحِلَّ عَلَيَّ قُوَّةُ ٱلْمَسِيحِ. '

 (2 كورنثوس 12: 9) 

هل حسّيت قبل كده إنك مهما عملت… مش كفاية؟بتحاول، بتجتهد، بس جواك صوت بيقول: “مش كفاية…”

الحقيقة إن ربنا عمره ما طلب منك تكون كامل.هو عارف ضعفك… ومع ذلك بيحبك جداً.

النعمة مش جايّة تكمل نقصك بس،دي جايّة تقولك👈إنت مقبول كما انت. مش لازم تكون كفاية… لأن نعمته هي الكفاية. قوله النهارده🙏يا رب، أنا تعبت من إحساس إني مش كفاية…

بس النهارده بجيلك زي ما أنا، بكل ضعفي.

علّمني أصدّق إن نعمتك كفاية ليا. 

نحبك و نصلي لأجلك🙏🌿

شكرا لتواجدك!