دقيقة واحدة قد تغيّر حياتك المالية

عزيزي،

هل بتشعر أحيانًا إنك بتحاول تعمل اللي عليك، لكن الفلوس مش بتكفي؟ بتشتغل وتتعب، بس دايمًا في التزامات، احتياجات، مفاجآت؟ أنا حاسس بيك… وعايز أقولك إن الله مش ناسيك، وإنه يهتم بكل تفصيلة في حياتك، حتى الأمور المادية.

في رسالة فيلبي ٤ : ١٩ بيقول الكتاب:فَيَمْلَأُ إِلَهِي كُلَّ ٱحْتِيَاجِكُمْ بِحَسَبِ غِنَاهُ فِي ٱلْمَجْدِ فِي ٱلْمَسِيحِ يَسُوعَ. مش بحسب البنك، ولا بحسب المرتب، لكن بحسب غناه هو، وده غني بلا حدود

خليني أصلي معاك النهارده، ولو حسيت الصلاة دي لمستك، ابعتها لحد محتاج يسمعها.

يا رب، أنا جاي قدامك بإيمان بسيط، بصدق إنك مُعيني، ومصدر كل بركة في حياتي. أنت قلت إنك هتملأ كل احتياجي، وأنا مصدق في كلمتك.

افتح عليّ أبواب من السماء، أبواب رزق، وفرص، ومفاجآت حلوة. ارفع عني كل حمل مالي، وسدد ديوني، واملاني بالوفرة الإلهية.

أنا ابنك… أنت قلت في تثنية ٨ : ١٨  إنك بتديني القوة لأصنع ثروة. بارك شغلي، وبارك مجهودي، وبارك تفكيري.

أنا بعلن النهارده بالإيمان: البركة جاية، والفرج قريب، والمعجزة على الأبواب.

في اسم يسوع، آمين.

أنت مهمّ، نحبك ونهتم لأجلك.

صباحكم مبارك 🌞

ابعت الصلاة دي لحد بتحبه وبتتمناله خير.

شكرا لتواجدك!